ენდოსკოპია

,,ავერსის კლინიკის'' ენდოსკოპიური დეპარტამენტი აღჭურვილია Olympus –ის (იაპონია) და Pentax-ის თანამედროვე ციფრული ვიდეო აპარატურით. ყველა გამოკვლევა ტარდება  დეზინფექციისა და სტერილიზაციის  საერთაშორისო სტანდარტების დაცვით, Johnson&Johnson-ის ფირმის უახლესი სარეცხი-სადეზინფექციო მანქანებით. პროცესი სრულად ავტომატიზირებულია.

განყოფილებაში ტარდება კუჭ-ნაწლავის დაავადებათა დიაგნოსტიკა და მკურნალობა:

•  ეზოფაგოგასტროდუოდენოსკოპია  ციფრული აპარატურის გამოყენებით, ვიწროსპექტრული და გამოსახულების გადიდების ფუნქციის ჩათვლით;
•  კოლონოსკოპია ციფრული აპარატურის გამოყენებით, ვიწროსპექტრული და გამოსახულების გადიდების ფუნქციის ჩათვლით;
•  რექტოსიგმოსკოპია  ციფრული აპარატურის გამოყენებით, ვიწროსპექტრული და გამოსახულების გადიდების ფუნქციის ჩათვლით;
•  ბიოფსია;
•  ენდოსკოპიური პოლიპექტომია კუჭ–ნაწლავის ტრაქტიდან  ( მცირე ზომის პოლიპის მოკვეთა);
•  ენდოსკოპიური პოლიპექტომია (დიდი ზომის პოლიპის მოკვეთა);
•  ენდოსკოპიური პოლიპექტომია(„დაფენილი“ პოლიპის მოკვეთა);
•  საყლაპავის შევიწროების ბალონური დილატაცია და ბუჟირება (გაგანიერება);
•  საყლაპავის სტენტირება (პროტეზირება) თვითგაშლადი მეტალის სტენტებით სხვადასხვა მიზეზით გამოწვეული შევიწროების დროს; 
•  სისხლდენის შეჩერება კუჭ–ნაწლავის ტრაქტიდან;
•  საყლაპავის ვარიკოზულად გაგანიერებული ვენების ლიგირება – გადაკვანძ;ა
•  უცხო სხეულის ამოღება საყლაპავიდან და კუჭიდან;
•  ენდოსკოპიური რეტროგრადული პანკრეატო–ქოლანგიოგრაფია (სანაღვლე სადინრების და კუჭქვეშა ჯირკვლის დაავადებების დიაგნოსტიკა რენტგენოკონტრასტული ნივთიერების გამოყენებით);
•  ენდოსკოპიური პაპილოსფინქტეროტომია (სანაღვლე სადინრის თორმეტგოჯა ნაწლავთან მიერთების ადგილას ჩაჭრა და კენჭების ექსტრაქია – გამოღება სანაღვლე გზებიდან);
•  სანაღვლე სადინრების სტენტირება – პროტეზირება სიმსივნით გამოწვეული შევიწროებების დროს;
•  მექანიკური ლითოტრიფსია – სანაღვლე სადინრების კენჭების დაშლა;